Tratamendu osteopatikoak gorputzeko disfuntzioak, bizkarrezurrekoak, artikulazioetakoak, nerbio sistemakoak, erraietakoak edo garezurrekoak, sistema muskulu-eskeletikoarekin duten harremanaren arabera abordatzen ditu.

Helburua norbanakoaren auto-sendaketarako mekanismoak berraktibatuz gorputzaren oreka berreskuratzea da eskuzko teknika osteopatikoen bidez: artikulazioen manipulazioak, muskulu energia teknikak, mobilizazioak, luzaketak, abiadura azkarreko edo baxuko manipulazio teknikak, teknika funtzionalak…

Tratamenduaren aukera gorputzeko sistema denen ebaluaketaren, lesio motaren eta pazientearen egoeraren arabera egingo da. Tratamendu bakoitza ezberdina izango da, pertsonalizatua.

Osteopatiaren oinarria gorputzeko sistema denak talde lanean aritzen direla da, hori dela eta, sistema bateko gorabeherek besteei ere eragin diezaiekete. Tratamendua, manipulazio osteopatikoa deritzona, mina arintzera, funtzioa berreskuratzera eta osasuna eta ongizatea bultzatzera bideratuta dauden teknika multzo baten bidez egiten da.